Colenak.

Atret
kaskuser
UserID: 555299
Join Date: Sep 2008
Posts: 133
Thanks: 0
Thanked 0 Times in 0 Posts

Colenak.

Ti kapungkur kawentar Colenak Murdi di Cidurian Bandung. Sanaos colenak aya dimana mana. Di Parapatan Lima, Jalan Emung, Cicaheum, sareng caket bioskop Mawar di Ujung Berung.

Bahan2:

1. Peuyeum satelit.
2. Gula beureum.
3. Parut kalapa.
4. Vanilie.
5. Cinnamon.
6. Daun jeruk ipis.

Ngadamelna.

Urang damel heula kincana. Sakilo gula beureum dipasak dina katel nganggo cai saleter dugi ka leah. Galokeun parutan kalapa. Pekprek kayu manis kulit (cinnamon) teras galokeun ka adonan. Ambeh raos pelem awurkeun vanilie sacekapna. Supados seungit seger lebetkeun daun jeruk ipis 2-3 lambar. Salami proses tong hilap adonan diaduk aduk ambeh henteu tutung. Upami hoyong adonan anu kentel, kirangan caina anggo sacekapna wae.

Ladenan.

Garang heula peuyeum satelit dina ruhak dugi ka rada tutung. Teras diirisan dina pisin, lajeng diawuran kinca sacekapna. Nuangna dibarung ku teh panas kentel boh kopi tubruk pait. Duh eta mah, sanaos sakadang mitoha liwat oge moal katohyaan ieuh buntutna. Mangga cobian geura.